合作的好病人 (三)

第七天

阿輝笑着說：「果位後生仔醫生又係叫我做手術，我唔肯！就轉口叫我做化療同放射治療先，已排咗隊，過多兩星期就開始！好在我日頭唔駛返工啫！」李曉汶慶幸他肯接受西醫治療！原來他的咳嗽減少了，發熱也退了，精神也稍為好轉，口乾鼻燥也改善了。

第十四天
他精神飽滿，人也長了肉，只因為日間不再被咳嗽煩擾而有充足睡眠，胸悶作痛少了，擔心也少了。這天，李曉汶第一句問：「每日仲要自殺幾多次呀？」他起初聽不懂，然後綻開笑容，露出煙屎牙說：「總係要殺吓自己先過癮嘅！不過由以前一日自殺二十幾三十次，到尋日......只係殺咗十五次咋！我都覺得自己好勁！一戒就戒咗一半有多，自覺健康咗！」「化療嘅作用你清楚知道未？佢除咗針對癌細胞外，共會同時殺死一啲活躍分裂嘅正常細胞，例如毛囊細胞，所以接受化療期間，藥物會影響頭髮生長而導致脫髮。」阿輝摸了摸自己的頭說：「不怕，戴一頂鴨咀帽抄型就便成了！」

難得他還有幽默感！李曉汶再說：「可能會出現食慾下降﹑嘔吐﹑肚痛﹑肚瀉﹑作悶......」他不等我說完便插咀說：「好似女人懷孕咁，作嘔作悶啊嗎！醫生講過啦！佢仲話有機會貧血﹑出血添！叫我留意自己有無出血情況！」李曉汶問：「咁你知唔知點察覺自己有無出血呀？」他苦笑搖頭，「大便呈黑色，嘔吐物呈深啡色，又或者頭暈﹑面色青白，口唇發白，胃痛﹑腹刺痛都要留心！」

曉飛大師